Twoup Nasyon Zini nan Repiblik Demokratik Kongo a, kòmanse mete yo an pozisyon pou yo sipòte yon operasyon planifye pa gouvènman Kongolè a kont rebèl Hutu nan lès peyi a, aprè yo inyore alèt pou yo abandone operasyon yo.

Rebèl yo ki bay tèe yo non Fòs Demokratik pou Liberasyon Rwanda (FDLR)te gen jiska 2 Janvye pou yo rann tèt yo oubyen fè fas ak aksyon militè.

" Mission Nasyon Zini an prepozisyone twoup li yo pou sipòte operasyon ofensif kont FDLR..." Pòt pawòl Nasyon Zini an Stephane Dujarric fè konnen Lendi.

Chèf mission Nasyon Zini nan peyi a, Martin Kobler te enfòme Konsèy Sekirite Konsil la, bonè Lendi sou plan pou 20.000 MONUSCO fòs pou sipòte kanpay militè gouvènman Kongolè a.

Sepandan Nasyon Zini fè konnen ke aksyon militè sèlman pap ka detwi rebèl Hutu yo, ki akize de yon bann atak vyolan nan lès peyi Kongo.

" Operasyon militè kapab afebli, men pa vrèman elimine FDLR e solisyon militè a dwe fè pati yon pi gwo strategi ki gen ladann aksyon non militè." Dujarric di repòtè.

Ofisyèl Nasyon Zini yo ap pouse, pou yo dezame gwoup rebèl ki gen plis pase 10 lane an konfli nan peyi a, pi fò a koz de lajan ki fèt nan vann resous mineral.