Plizyè minis demisyone an Ayiti aprè betiz seksis prezidan Michèl Mateli di yon dam pandan yon kanpay.

A kèk jou de elksyon lejislativ yo et a pe prè de mwa avan eleksyon prezidansyèl la, prezidan Ayisyen derape yon lòt fwa ankò. Pandan li tap fè kanpay nan vil Miragwann, 28 jiyè ki sot pase a, yon fanm pami foul la  rele Michèl Mateli, e repwoche prezidan paske li pa kenbe pwomès li, presizeman paske prezidan pa enstale kouran nan zòn nan, jan li te di li tap fè a.

"Pou kisa ou pa al chache yon gason e al kouche ak li dèyè yon mi." Chef leta Ayisyen an reponn dam nan. Foul yo menm tonbe ri e pase dam nan nan rizib, pandan ke yo tap aplodi prezidan Mateli. 

Konseye Prezidan di ke, ke se vire yo vire moo prezidan an, ke prezidan pa tap janm di yon bagay konsa.

Aprè ke kalite skandal sa a te fin parèt nan plizyè jounal a travè mond lan, kou Le Nouvelliste te fin repòte ensidans lan; plizyè minis nan gouvènman remèt demisyon yo kòm pwotès.
Minis ki demisyone yo se, Mini Kondisyon  ak Dwa Fanm , Yves Rose Morquette, Minis Afè Sosyal ak Travay la Victor Benoit, Sekretè Deta pou Alfabetizasyon Mozart Clerisson. Anpil fanm te pran lari pou manifeste kont betiz sal prezidan di sitwayèn sila ki te ap egzèse tout dwa li e eksprime opinyon li. Yon petisyon sou sit change.or te pibliye e ansyen kandida a la prezidans Mirlande Manigat te siyen petisyon an.
Li Abitye ak bri sa yo.

Mo sal sa yo, pa fè tout Ayisyen sezi. Paske Sweet Micky, ansyen chantè et kandida sipriz te genyen eleksyon a a koz de yon kanpay popilè. 
Avan Sweet Micky vin prezidan, chantè te popilè pou non sèlman mizik li yo, men pou Abiye li te konn abiye an fi, li te menm bay karaktè ya non, ti Simòn. Prezidan te konn desann pantalon li tou an piblik, sitou nan peryòd Kanaval, devan palè nasyonal la.