O mwen 7 fanm pèdi lavi yo nan yon atak revòltan nan Somali aprè moun Shebab yo koupe tèt madanm yon sòlda; aksyon sila ta pouse moun ki ap chache revanj, touye fi ki te kole ak gwoup izlamis yo, granmoun yo di jodi Jedi a.
Gwoup Shebab sa li menm ki asosye ak Alkayida, semèn sa a te pran 2 fi, yon madanm yon sòlda ak madanm chèf twoup gouvènman an, anva yo te koupe tèt tou lè de fanm yo.
Youn nan granmoun nan vil la di ke sa fè la penn ke Al-Shebab touye de fanm inosan, jis pou yo ka revanje moun ki nan twoup gouvènman an. Kòm revank ankò vèv solda yo rasanble yon gwoup fanm ki gen koneksyon ak bandi Shebab yo.
 Pou lanmò de fanm yo, yo arete 10 lòt fi, epi yo touye 5 ladan yo.
Tiyeglow, se youn nan zòn ki twouve li nan rejyon Somali a ki li menm fin devaste ak lagè, a pe prè 175 kilomèt nò capital Somali a Mogadichou, ke gouvènman te repran nan men Shebab yo, an kolaborasyon ak fòs Inyon Afriken an ke IN egzije.
Rebèl Shebab yo kontinye ap mennen atak an Somali ak Kenya pou yo voye gouvènman peyi sa yo ale; gouvènman sa yo ki yo menm gen sipò kominote entènasyonal la ak ansanm ak twoup Inyon Afrikèn yo.